Министерката Апостолска дел од владината делегација која положи свежо цвеќе на гробот на Киро Глигоров

large_010118 photo2.jpg
01 јануари 2018
 
Владина делегација предводена од министерот за култура, Роберт Алаѓозовски, придружуван од министерката задолжена за странски инвестиции, Зорица Апостолска, и заменик министерот за локална самоуправа, Дејан Павлески, положи свежо цвеќе на гробот на покојниот претседател на Република Македонија Киро Глигоров, кој почина на денешен ден во 2012 година.
 
Киро Глигоров беше избран за Претседател на Република Македонија на 27 јануари 1991 година и беше на функцијата до 19 ноември 1999 година.
 
За време на неговиот мандат се случиja некои од најважните настани од современата историја на Република Македонија: На референдум на 8 септември 1991 бeше прогласена независноста на земјата, а Македонија беше и единствената од поранешните југословенски републики која се осамостои по мирен пат. На 17 ноември 1991 беше донесен новиот Устав, а на 8 април 1993 година Република Македонија стана 181 членка на Обединетите нации.
010118 photo3.jpg
010118 photo1.jpg
АКТУЕЛНОСТИ: