Министерот Ќахил во работна посета на Република Турција

18-22.03.2018

Министерот задолжен за странски инвестиции Проф. Д-р Аднан Ќахил беше на тридневна работна посета на Република Турција каде оствари многубројни средби и состаноци со еминентни имиња од турската бизнис заедница.

 

 

 

Во првиот ден од посетата, Проф. Д-р Аднан Ќахил го посети градот Карабук, водечки град на тешката индустрија на железо и челик, каде оствари средби со гувернерот г. Кемал Чебер и градоначалникот г. Рафет Вергили, по што се упати на состанок со раководството на Трговско – Индустриската Комора Карабук каде ги презентираше мерките од планот за економски раст и упати покана до турските бизнисмени за инвестирање во Република Македонија. По состанокот, делегацијата предводена од Министерот Ќахил се упати до првата и најголемата фабрика за железо и челик Кардемир, потоа во индустриската зона посети уште 4 фабрики кои работат во слични области.
На средбата со членовите и управниот одбор на Трговско – Индустриската Комора Сафранболу се отвори дискусија на која Министерот Ќахил одговараше на прашањата во врска со можностите за инвестирање што ги нуди Република Македонија.

 

 

2_3.jpg

  „Точно е дека Република Македонија и Република Турција имаат одлични политички односи, но истите се недоволно рефлектирани кога станува збор за економските односи. Во тек се интензивни средби помеѓу претставници од двете страни, со цел овозможување поголем обем на економска размена и интензивирање на постоечката соработка. Тука сум за да ги претставам мерките од планот за економски раст и да ги охрабрам турските инвеститори да дојдат во Македонија. Често се поставува прашањето во кои сектори Македонија има потреба од производство на кое јас секогаш го кажувам истото: Република Македонија нема потреба од ништо и има потреба од се. Нашата држава има прекрасна географска местоположба и договори за слободна трговија со повеќе држави, затоа пренасочете го вашето производство и искористете ја можноста за извоз кон поширокиот пазар. Владата на Република Македонија нема потреба да се меша во економскиот избор, но има должност да обезбеди услови за истата“.

 

 

3_3.jpg

  Министерот Кахил го посети и Иновацискиот Центар на Бартин, по што оствари средби со гувернерот и градоначалникот. На последниот ден од посетата, Министерот се сретна со членките на Независната асоцијација на индустријалци и бизнисмени (МУСИАД) во Кастамону.

Проф. Д-р Аднан Ќахил беше дел од свечената прослава по повод празникот Невруз – првиот ден на пролетта, која се одржа во Кастамону, градот кој оваа година беше прогласен за главен град на културата на турскиот свет. На централната прослава покрај Премиерот на Република Турција г.Бинали Јилдирим, со кој Министерот Ќахил оствари средба, присуствуваа и високи функционери, делегати и дипломати од различни држави.

АКТУЕЛНОСТИ: